५९ बैंक तथा वित्तीय संस्थाहरु आबद्ध रहेको नेपाल क्लियरिङ्गले हाउस बैंकका ग्राहकको कारोबार, नेपाल सरकार, पुँजी बजार, अर्ध सरकारी संस्थाहरु लगायतका विभिन्न कारोबारलाई अझ प्रभावकारी र सहज गर्न प्रणालीमा रहेका सत्रहरुको समय तालिका बढाएको छ।यो व्यवस्था  आजदेखि लागू भएको छ।

यस अनुसार एनसिएचएल आइपिएस प्रणालीमा बिहानको ९ बजेदेखि दिउँसोको ३ बजेसम्म आइतबारदेखि बिहीबारसम्म नेपाली मुद्रा, र सोमबारदेखि बिहीबारसम्म वैदेशिक मुद्रा प्राप्त भएका भुक्तानी आदेशहरु सोही दिनमा (टी प्लस जीरो) मै हुने व्यवस्था गरिएको छ। यसमा नेपाल राष्ट्र बैंक लगायत सबैजसो बैंक वित्तीय संस्थाहरु आबद्ध छन्।