वृज सिमेन्टले एक्सपर्ट मेसन क्लबमा आबद्ध सदस्यको परिवारलाई ५ लाख रूपैयाँ सहयोग गरेको छ। क्लबमा आबद्ध सदस्यलाई घरले च्यापिएर मृत्यु भएपछि उसको परिवारलाई कम्पनीले आर्थिक सहयोग गरेको हो।  

यही जेठ ८ गते क्लबका सदस्य प्युठान नौबहिनी गाउँपालिका–१ स्याउली वाङका ३९ वर्षीय बोमबहादुर मल्ल, उनकी पत्नी र छोरा गरी तीन जनाको घटनास्थलमै मुत्यु भएको थियो। सोही परिवारलाई वृज सिमेन्टले पाँच लाख रूपैयाँ बिमाबापतको रकम हस्तान्तरण गरेको हो। कम्पनीका एरिया सेल्स म्यानेजर नारायण जिसीले मृतककी छोरी कुमारी मल्ललाई ५ लाख रूपैयाँको चेक हस्तान्तरण गरेका छन्।

देशका विभिन्न स्थानमा एक्सपर्ट मिट कार्यक्रम गर्दै निर्माणकर्मीलाई एक्सपर्ट मेसनक्लबमा आबद्ध गरेर बिमासहित थप सुविधा प्रदान गर्दै आएको कम्पनीका सेल्स म्यानेजर नुमेन्द्र पौडेलले बताए।